* Aҧшьаша, 17 Мшаҧы 2025

Хынҩажәа-ҩык инарзынаҧшуа аџьармыкьа алахәылацәа раалыҵ лыҧшаах аахәаҩцәа ирыдыргалеит.

Владислав Арӡынба ихьӡ зху жәларбжьаратәи аҳаиртә баҕәаза раҧхьатәи апассаџьыртә реис аднакылараны иҟоуп лаҵарамза аказы. Ари амш аҽны аилахәыра ЮВТ-АЭРО аҳаирплан 14 сааҭи 30 минуҭи рзы Москвантәи ишьҭыҧраауеит. Аҟәатәи аҳаиртә баҕәаза иаднакылоит 18 сааҭ рзы. Шьҭахьҟа иҧыруеит 19 сааҭи 30 минуҭи рзы. Анаҩстәи ареис Москвантәи Аҟәаҟа аара азгәаҭоуп лаҵарамза хҧа рзы. Аҳаиртә баҕәазаҿы аҳаирпланқәа рыдкыларазы аҽазыҟаҵарақәа рымҩаҧысшьа ҭырҵаауан ҳкорреспондентцәа.

Урҭ рымҩаҧысшьа ахәшьара аҭаразы Ҵабалтәи арратә ҽазыҟаҵарҭа даҭааит арбџьармчқәа ркомандаҟаҵаҩ хада, аҳәынҭқарра ахада Бадра Гәынба. Иара убас ари аусмҩаҧгатә далахәуп ахада ихаҭыҧуаҩ Беслан Бигәаа.

Ашколхәыҷқәа амҩатә ҧҟаррақәа рдырра адагьы, абылра, амашәырқәа, егьырҭ аҭагылазаашьа ҷыдақәа раан ахымҩаҧгашьа рзеиҭарҳәеит. Аурок мҩаҧнагеит «Азинхьчаратә усбарҭақәа рассоциациа» аҭагылазаашьа ҷыдақәа рминистрреи аҩныҵҟатәи аусқәа рминистрреи рыцхыраарала.

65 шықәса ихыҵит Аҧсны аҭҵаарадыррақәа ракадемиа апрезидент, аепосдырҩы, кавказҭҵааҩ, афилологиатә ҭҵаарадыррақәа рдоктор, апрофессор, Аҧснытәи аҳәынҭқарратә университет иатәу нарҭдырреи адәынтәи афольклорҭҵаареи рцентр анапхгаҩы, Аҧсуаҭҵааратә институт афольклор аҟәша аҭҵаарадырратә усзуҩ хада, «Ахьӡ-аҧша» аорден ахҧатәи аҩаӡара занашьоу Зураб Џьапуа. Аҭҵаарадырраҿы илагала азгәаҭаны, имш ира аҽны инапаҿы иҭан ахьтәы медали аҧаратә ҳамҭеи. Атема иацырҵоит ҳкорреспондентцәа.

Уи азы Аҧсны иааны иҟоуп Урыстәыла аҩныҵҟатәи аусқәа рминистрра аусзуҩцәа. «Аҳәынҭавтоинспекциа» аусбарҭаҿы иаарту ауадақәа рҿы ауааҧсыра рдокументқәа рыдыркылоит . Ажәабжь иацырҵоит ҳкорреспондентцәа.

Иара убасгьы арепатриантцәа рзы аконституциатә закәан аҧсахрақәа аларгалеит. Уи иазҧхьагәанаҭоит, амҩатә фонд аламҵакәа егьырҭ абиуџьет анҭыҵтәи афондқәа рахь иҟоу ашәатхқәа рҭыҧан «Иакыу асоциалтә шәахтә» аҧҵара. Адепутатцәа ирыдрымкылаӡеит «Амилаҭтә инвесторцәа аҳәынҭқарратә цхыраара рыҭаразы» азакәан.