* Жьҭаара 2024

Ҳреспублика акультуратә ҧсҭазаараҿы аиҭакра бзиақәа ыҟоуп. Даҽа музеик аатуеит ҳаҳҭнықалақь аҿы . Аҭоурых-культуратә ҭынха иахыҧхьаӡалоу Аҟәатәи абааш аиҭашьақәыргыларазы мҽхакы ҭбаала аусурақәа цоит . Уи иазоужьуп аҳәынҭқарратә биуџьет аҟынтәи аҧара . Ажәабжь иацырҵоит ҳкорреспондентцәа.

Очамчыра ақалақь аҿы ирацәаҩуп иҧсабаратәу аалыҵ зхы иархәаны еиуеиҧшым аусумҭақәа ҟазҵо . Урҭ дыруаӡәкуп Адамыр Аршба. Иҟыбаҩ ихы иархәаны иахьа зшьапы иқәгылоу усдкылаҩуп, аха уи зегь залыршахомызт аҳәынҭқарра аҟынтәи ацхыраара имоузтгьы.

Урҭ рҳәаа иҭагӡаны Очамчыратәи атанктә рота имҩаҧнагеит адәҭыҵра. Уи хықәкыс иамаз атәы еиҭеиҳәоит Даур Инаҧшьба.

Жьҭаара жәибжь рзы Аҟәа ахәҭак ӡырыжәтәда иаанхеит -Аҳабла Ҿыц, Ажәытә Ҳабла, Колос, Вием аҩадатәи ахәҭа . Аҳҭнықалақь агәаҿы аӡы амчхара маҷхеит. «Аӡыршьҭра» аусзуҩцәа амш шыцәгьазгьы, мышкы хәлаанӡа аус руан . Ажәабжь иацылҵоит Амра Зарандиаҧҳа.

Иахьа инапы злаку аус аҽарҭбааит Аҧсны аекономика аминистрраҿы абизнес ацхырааразы аус зуа апрограмма иабзоураны. Аҳәынҭқарра аҟынтәи иоуи агрант.Ажәабжь еиҭалҳәоит Наала Чхьынџьериаҧҳа .

Лыҧхала аҧсыҭбара ҟамлеит, аха аҭаацәара хыҵакырҭада иаанхеит. Амҷаа рҭаацәара аҳәынҭқарра аҟынтәи ацхыраара иақәгәыҕуеит. Шәахәаҧш анаҩстәи ҳанҵамҭа.

Шьҭа ҧшьышықәсоуп «Аҧсны адиабет еилазаара» аҧшьгарала, ашьақар чымазара змоу ахәыҷқәеи рҭаацәеи рзы алагер еиҿыркаауеижьҭеи. Уи хықәкыс иамоуп ари ачымазара зыхьуа рҭаацәарақәа рдырра аизырҳара, рҧышәа аимдара . Ҩы-шықәса инеиҧынкыланы ари апроект анагӡаразы ацхыраара рынаҭоит Аҧсны атуризм аминистрра.Шәахәҧш Сариа Кәарцхьиаҧҳа иазлырхиаз анҵамҭа