* Мшаҧы 2025

Рахьаӡа акәны, Аҟәа аҩнқәа аабеи, школки, хәыҷбаҳчаки рҭыӡқәа еиуеиҧшым асахьақәа рыла ирҧшӡахоит. Уи ҳаамҭазтәи аҟазара аҿиара иадгыло «Новые Формы» захьӡу афестиваль аҳәаақәа ирҭагӡаны еиҿкаауп. Иара ҳаҳҭнықалақь аҿы аиҿкаара алыршахеит Урыстәылатәи Афедерациа Ахада игрантқәа рфонд иҟанаҵаз ацхыраара иабзоураны.

Аҵара аминистр инапынҵақәа назыгӡо Инал Габлиа идикылеит адыррақәа рцентр «Машук» аҟынтәи ихынҳәыз ҧшьҩык арҵаҩцәа. Дара уахь рцара алыршан Аҧсныи Урыстәылеи рҵара аминистрцәа ирыбжьоу аиқәшаҳаҭра инақәыршәаны.

Аҧсныи Урыстәылеи русеицура аҳәаақәа ирҭагӡаны, ҳтәылаҿы раҧхьаӡа акәны ашколхәыҷқәа рдиспансеризациа мҩаҧнагоит Урыстәыла агәабзиарахьчара аминистрра иатәу ахәыҷқәа ргәабзиара аҭҵааратә амилаҭтә медицинатә центр.

Ешба имҩаду ала игыло аҩны аҿы аусурақәа хыркәшоуп. Урҭ мҩаҧыргеит Москвантәи иааҧхьаз аҩныеихагыла дуқәа аремонт азызуа аспециалистцәа. Аусурақәа нагӡоуп Урыстәыла Аҧсны иазыҟанаҵо афинанстә цхырааара иабзоураны.

Аицлабра хықәкыс иамоуп ззанааҭтә дырра ҳараку акадрқәа реиҵааӡара, акоманда ҿыц аҧҵара. Апроект еиҿкаауп Аҧсны Ахада иаҧшьгарала. Аиҧылара шымҩаҧысыз шәзеиҭалҳәоит Фатима Гьергьиаҧҳа .

Иахьатәи ҳҭыжьымҭаҿы; 1) Амҩатә машәырқәа еиҵахеит

2) Асовет Еидгыла Афырхаҵа Уарлам Габлиа исахьа Тамшьтәи ашкол аҭҵы ианырҵеит

3) Аҧсуа бызшәа акурсқәа Гагра

4)Хынҩажәи жәаба шықәса ихыҵит Александр Страничкин