

«Ҳара иҳарҿиаз адунеи»,-абас ахьӡуп Аҧсны аҳәса реидгыла амчала Џьгьардатәи абжьаратә школ аҿы араион ашколхәыҷқәа рыбжьара еиҿкааз аконкурс. Иара убасгьы араҟа иаартын ҿыц еиҭашьақәыргылоу аҵаҩцәа аспорт рҽахьазыҟарҵо адәы.
Рушьбеи Смыр 75 шықәса ихыҵра аҳаҭыразы Афонҿыцтәи абжьаратә школ аҿы имҩаҧысит Аҧсны Жәлар рпоет игәаларшәара иазкыз ахәылҧаз. Уи иалахәын Рушьбеи Смыр иҭынхацәа, иҩызцәа, ашколхәыҷқәа. Ажәабжь иацырҵоит ҳкорреспондентцәа.
Уаҟа ицәыргоуп хышәи ҩынҩажәи жәаба сахьа еиуеиҧшым ахырхарҭақәа рыла. Ацәыргақәҵа азкуп Аџьынџьтәылатә еибашьру ду аиааира ҧшьынҩажәа шықәса ахыҵра.
Ҩеижәи хәба шықәса аҧсуа милаҭтә музыкатә рҳәагақәа мырӡкәа иаазго ансамбль «Аҧхьарца» аубилеи азгәанаҭеит. Ахәылҧаз мҩаҧысит Пицундатәи аконцерттә залқәа руак аҿы. Гагра араион Лӡаа ақыҭан еиҿкаау жәлар ринструменталтә ансамбль «Аҧхьарца» аибилеитә қәгылара гәахәарыла ирыдыркылеит иаҭааз асасцәа. Ажәабжь иацырҵоит ҳкорреспондентцәа.
Аҧсуа драматә театр аҿаҧхьа имҩаҧысит аицыкәашара-џьыгә. Арыцхә азгәаҭара шымҩаҧысуаз ҳкорреспондентцәа ранҵамҭаҿы.